Análise das seguintes metáforas

os troiteiros
sempre a pescar no mesmo río
os pegos: a bohemia
o fluír da barbarie nas capturas
as troitas afogan no ar
a imaxe e semellanza de nós mesmos
as escravas impurezas
afogamos nas nidias augas dunha patria
relegada a proscribirse
no divino sainete

camiñan as metáforas collidas da man
nas costuras dos libros bícanse
eu roubollas ao peito da lembranza
amortizando os picados do falcón
en cada segundo
na escuma das cepas
a desfiarse

amar a pólvora que penetra duramente
nas veas do corpo e da memoria
palpando os pretéritos do ser, do estar, do haber

afluír nunha mocedade
que nunca volverá

os troiteiros 
sempre
pescan
no mesmo río

(Foto: Carballeira de Santa Sabela; faltan os cáncaros.)